అగ్రరాజ్యం అమెరికాలో మరోసారి కాల్పుల మోత మోగింది. ఈ ఘటనలో ఓ యువకుడు మృతి చెందాడు. వాష్టింగన్ డీసీలోని 14వ, యూస్ట్రీట్లో కాల్పులు చోటు చేసుకున్నాయి. ఓ పోలీస్ అధికారి సహా ముగ్గురు గాయపడ్డారని అధికారులు తెలిపారు. వైట్ హౌస్కు రెండు మైళ్లదూరంలో యుస్ట్రీట్ నార్త్ వెస్ట్లో ఓ సంగీత కచేరి కార్యక్రమంలో కాల్పులు జరిగాయని పోలీసులు తెలిపారు. కాల్పుల నేపథ్యంలో ఆ ప్రాంతం వైపుగా ఎవరూ వెళ్లొద్దని సూచించారు. అయితే కాల్పులకు కారణాలు తెలియరాలేదు.
