అమెరికాలో జరిగిన మిస్‌ టెక్సాస్ యూఎస్‌ఏ పోటీలో యువతులతోపాటు 71 ఏళ్ల మరిస్సా టీజో అనే బామ్మ కూడా పాల్గొని రికార్డు సృష్టించారు. హ్యూస్టన్‌లో నిర్వహించిన ఈ పోటీల్లో 75 మంది పాల్గొన్నారు. ఈ పోటీలో అరియెన్నా విజేతగా నిలిచి అందాల సుందరి కిరీటాన్ని దక్కించుకుంది. లేటు వయసులో అందాల పోటీలో పాల్గొనడంపై టీజో మాట్లాడుతూ ఇలాంటి అందాల పోటీల్లో భాగస్వామినవ్వడం ఎంతో సంతోషాన్నిచ్చిందని పేర్కొన్నారు. మహిళలు శారీరకంగా, మానసికంగా దృఢంగా ఉండడానికి, ఏ వయసులోనైనా అందంగా ఉంటారు అని స్ఫూర్తి నింపడానికే తానీ పోటీల్లో పాల్గొన్నట్టు ఆమె తెలిపారు.
