ఎన్టీఆర్, రామ్ చరణ్ హీరోలుగా రాజమౌళి దర్శకత్వంలో రూపొందిన చిత్రం ఆర్ఆర్ఆర్. ఇందులో స్వాతంత్య్ర సమరయోధులు కొమురం భీమ్ పాత్రలో ఎన్టీఆర్, అల్లూరి సీతారామరాజు పాత్రలో రామ్చరణ్ కనిపిస్తారు. ఆర్ఆర్ఆర్ ట్రైలర్ ఈ నెల 9న విడుదల కానున్న సందర్భంగా ఈ సినిమాలో ఎన్టీఆర్, రామ్చరణ్ కొత్త పోస్టర్స్ను విడుదల చేశారు. అందులో ఎన్టీఆర్, రామ్ చరణ్లిద్దరూ కండలు తిరిగిన దేహాలతో కనిపిస్తూ సినిమాపై మరిన్ని అంచనాల్ని రేకెత్తిస్తున్నారు. సినిమాలో ఇంకెన్నో ఆకర్షణలు అంటూ ఊరిస్తున్నారు. శత్రువులపై విరుచుపడటానికి ముందు సింహనాదం చేస్తూ ఈ పోస్టర్లో అల్లూరిగా చరణ్ కనిపిస్తున్నాడు. ఫిరంగి గుండ్లను కూడా తన పిడికిలిలో నుసి చేయాలనేంత ఆగ్రహంతో ఆయన కనిపిస్తున్నాడు. ఈ చిత్రాన్ని డీవీవీ దానయ్య నిర్మిస్తున్నారు. జనవరి 7వ తేదీన ప్రపంచ వ్యాప్తంగా విడుదల చేయనున్నారు.
