సొహైల్, మోక్ష జంటగా ఏ.ఆర్.అభి దర్శకత్వంలో రూపొందిస్తున్న లక్కీ లక్ష్మణ్ చిత్రం ప్రారంభమైంది. ముహూర్తపు సన్నివేశానికి దర్శకుడు ప్రవీణ్ సత్తారు క్లాప్ నిచ్చారు. నిర్మాత అప్పిరెడ్డి మోషన్ పోస్టర్ విడుదల చేశృారు. ఈ సందర్భంగా దర్శకుడు మాట్లాడుతూ చుట్టూ ఉన్న వారంతా లక్కీఫెలో అంటున్నా.. తాను మాత్రం ఎప్పటికీ దురదృష్టవంతుడనని ఫీలయ్యే యువకుడి కథ ఇది అన్నారు. అనంతరం హీరో సోహైల్ మాట్లాడుతూ టెక్నికల్, ఔట్పుట్ పరంగా ఎక్కడా రాజీపడకుండా మంచి టీమ్తో ఈ సినిమా నిర్మిస్తున్నారన్నారు. ఈ చిత్రానికి కెమెరా: ఐ.ఆండ్రూ, ఎడిటర్: ప్రవీణ్పూడి, సంగీతం: అనూప్రూబెన్స్, కథ, స్క్రీన్ప్లే, సంభాషణలు, దర్శకత్వం : ఏఆర్ అభి. వైష్టవి ఆర్ట్స్, దత్తాత్రేయ మీడియా పతాకాలపై హరిత గోగినేని, రమ్య ప్రభాకర్ నిర్మిస్తున్నారు. ఈ కార్యక్రమంలో ఆండ్రూ, మోక్ష పాల్గొన్నారు.
