నేచురల్ స్టార్ నాని హీరోగా నజ్రియా హీరోయిన్గా నటిస్తున్న రొమాంటిక్ కామెడీ చిత్రం అంటే సుందరానికి. వివేక్ ఆత్రేయ తెరకెక్కించారు. మైత్రీ మూవీ మేకర్స్ సంస్థ నిర్మించింది. ఈ నేపథ్యంలో ప్రచార పర్వాన్ని వేగవంతం చేస్తోంది చిత్ర బృందం. ఇప్పటికే విడుదలైన టీజర్కు అన్ని వర్గాల ప్రేక్షకుల నుండి మంచి రెప్పాన్స్ వచ్చింది. ఇందులో భాగంగా జూన్ 2న చిత్ర ట్రైలర్ విడుదల చేయనున్నారు. ఈ విషయాన్ని సామాజిక మాధ్యమాల ద్వారా అధికారికంగా ప్రకటించారు. ఈ మేరకు ఓ కొత్త ప్రచార చిత్రాన్ని నెట్టింట పంచుకున్నారు. నజ్రియా తెలుగులో నటించిన మొదటి చిత్రం ఇదే కావడం విశేషం. ఈ సినిమాలో నాని బ్రాహ్మణ కుర్రాడిగా, నజ్రియా క్రిస్టియన్ యువతిగా కనిపించనున్నారు. సంగీతం: వివేక్ సాగర్, కూర్పు: రవితేజ గిరిజాల, ఛాయాగ్రహణం: నికేత్ బొమ్మిరెడ్డి. ఈ చిత్రం తమిళంలో ఆడాడే సుందరా, మలయాళంలో ఆహా సుందరా పేరుతో విడుదల కానుంది. ఈ సినిమా జూన్ 10న తెలుగు, తమిళ, మలయాళ భాషల్లో విడుదల కానుంది.
