చిరంజీవి నటిస్తున్న సినిమా వాల్తేరు వీరయ్య. శృతి హాసన్‌ నాయికగా నటిస్తున్నది. మాస్‌ యాక్షన్‌ ఎంటర్‌టైనర్‌గా దర్శకుడు బాబీ ఈ చిత్రాన్ని రూపొందిస్తున్నారు. మైత్రీ మూవీ మేకర్స్‌ పతాకంపై నవీన్‌ యెర్నేని, వై రవిశంకర్‌ నిర్మిస్తున్నారు. మరో ముఖ్య పాత్రలో హీరో రవితేజ కనిపించనున్నారు. తాజాగా ఈ చిత్రం నుంచి వాల్తేరు వీరయ్య టైటిల్‌ సాంగ్‌ను విడుదల చేశారు. ఈ పాటకు చంద్రబోస్‌ సాహిత్యాన్ని అందించారు. వీరయ్య పరాక్రమాన్ని చూపించేలా ఈ పాట ఉంటుందని చిత్రబృందం చెబుతున్నారు. సంక్రాంతి పండుగ సందర్భంగా జనవరి 13న ఈ సినిమా ప్రేక్షకుల ముందుకు రానుంది.
