ఉక్రెయిన్‌లో తాత్కాలిక కాల్పుల విరమణ ప్రకటించిన రష్యా గంటల్లోనే బాంబులతో విరుచుకుపడింది. తూర్పు ఉక్రెయిన్‌లోని క్రమాటోర్స్క్‌పై క్షిపణులతో దాడిచేసింది. దీంతో 14కుపైగా ఇండ్లు ధ్వంసమైనట్లు స్థానిక మేయర్‌ హోంచరెంకో చెప్పారు. ఖైర్సన్‌లో జరిగిన దాడిలో ఒకరు మృతిచెందారని అధికారులు వెల్లడించారు. ఉక్రెయిన్‌-రష్యా యుద్ధానికి పుతిన్‌ తాత్కాలికి విరామం ప్రకటించారు. ఆర్ధడాక్స్‌ క్రిస్మస్‌ వేడుకల సందర్భంగా జనవరి 6న మధ్యాహ్నం 12 గంటల నుంచి జనవరి 7 అర్ధరాత్రి 12 వరకు 36 గంటల పాటు ఉక్రెయిన్‌పై ఎలాంటి దాడులు చేయొద్దని సైన్యాన్ని పుతిన్‌ ఆదేశించారు. అయితే ఇది అమల్లోకి వచ్చిన గంటల్లోనే రష్యా దాడులకు దిగడం విశేషం.
