సందీప్‌కుమార్‌, దీప్తివర్మ జంటగా నటిస్తున్న చిత్రం ద్రోహి. ది క్రిమినల్‌ ఉపశీర్షిక. విజయ్‌ పెందుర్తి దర్శకుడు. ఈ చిత్రంలో చందు ఛార్మ్స్‌, మహేష్‌విట్ట తదితరులు నటిస్తున్నారు. ఈ సందర్భంగా ఏర్పాటు చేసిన విలేకర్ల సమావేశంలో ముఖ్య అతిథిగా విచ్చేసిన త్రిగుణ్‌ టీజర్‌ను విడుదల చేశారు. అనంతరం ఆయన మాట్లాడుతూ దర్శకుడు, హీరోకు కళ అంటే ప్రాణం. ఈ టీమ్‌ అంతా ప్రేమతో ఈ చిత్రం చేశారు. సక్సెస్‌ఫుల్‌ టైటిల్‌తో వస్తున్నారు. టీజర్‌ ఆసక్తికరంగా ఉంది. ఈ చిత్రం తప్పకుండా విజయం సాధిస్తుందని నమ్ముతున్నా అన్నారు. దర్శకుడు మాట్లాడుతూ ఈ సినిమాలో క్రైమ్‌, థ్రిల్లింగ్‌ అంశాలతో పాటు ఆసక్తికరమైన డ్రామా ఉంటుంది. తప్పకుండా ప్రేక్షకులకు సరికొత్త అనుభూతినందిస్తుంది అన్నారు. ఈ నెల 13న విడుదలకానుంది. అదే రోజు నేషనల్‌ సినిమా డే సందర్భంగా మల్టీఫ్లెక్స్‌లలో 112 రూపాయలకే టికెట్లను విక్రయిస్తామని చిత్ర బృందం పేర్కొంది. ఈ చిత్రానికి సంగీతం: అనంత నారాయణ్‌, నిర్మాతలు: విజయ్‌ పెందుర్తి, శ్రీకాంత్‌ రెడ్డి, దర్శకత్వం: విజయ్‌ పెందుర్తి.
