శ్రీరామ్‌, ఖుషీ రవి జంటగా నటించిన చిత్రం పిండం. ది స్కేరియస్ట్‌ ఫిల్మ్‌ అనేది ఉపశీర్షిక. సాయికిరణ్‌ దైదా దర్శకుడు. యశ్వంత్‌ దగ్గుమాటి నిర్మాత. ఈ చిత్రంలో ఈశ్వరీరావు, అవసరాల శ్రీనివాస్‌, రవివర్మ తదితరులు ఇతర పాత్రలు పోషించారు. ఈ చిత్రం సెన్సార్‌ పూర్తి చేసుకుంది. ఈ సందర్భంగా నిర్మాత మాట్లాడుతూ సెన్సార్‌ సభ్యులు ఈ సినిమా చూసి ఎంతో అభినందించారు. డిసెంబర్‌ 7న ప్రీరిలీజ్‌ వేడుక నిర్వహించనున్నాం. మా యూనిట్‌ సభ్యులతోపాటు పలువురు చిత్రరంగ ప్రముఖులు కూడా ఈ వేడుకలో పాల్గొంటారు. డిసెంబర్‌ 15న ఈ చిత్రాన్ని విడుదల చేస్తాం. ఇది పూర్తిస్థాయి హారర్‌ సినిమా. టాలీవుడ్‌లో ఇప్పటివరకూ చూడని హారర్‌ ఈ సినిమాలో చూస్తారు. ఒంటరిగా కూర్చొని ఈ సినిమా చూడలేరు. కథ, కథనం ఈ చిత్రానికి ప్రధాన బలం అని తెలిపారు. ఈ చిత్రం డిసెంబర్‌ 15న విడుదల కానుంది. ఈ చిత్రానికి కెమెరా: సతీశ్‌ మనోహర్‌, సంగీతం: కృష్ణసౌరభ్‌ సూరంపల్లి.
