శివ కందుకూరి హీరోగా రూపొందుతున్న విభిన్న కథాచిత్రం చాయ్ వాలా. ప్రమోద్ హర్ష దర్శకుడు. రాధా విజయలక్ష్మి, వెంకట్ ఆర్.పాపుడిప్పు నిర్మాతలు. ఈ చిత్రం త్వరలో విడుదల కానుంది. ప్రమోషన్స్లో భాగంగా ఈ సినిమా టీజర్ను హైదరాబాద్లో విడుదల చేశారు. నా చాయ్ విలువ రూ.15 అంతకన్నా ఒక్క రూపాయి ఎక్కువ తీసుకున్నా, నా విలువ పడిపోతుంది అంటూ రాజీవ్ కనకాల చెప్పిన డైలాగ్తో టీజర్ మొదలైంది.తండ్రీ కొడుకుల మధ్య సీన్లు, లవ్ ట్రాక్, ఇవన్నీ టీజర్లో కనిపిస్తున్నాయి. ఈ సినిమా చూసిన ప్రేక్షకుడు ఎమోషన్తో బయటకు వస్తాడని నిర్మాత రాజ్ కందుకూరి చెప్పారు. ఈ సినిమా చూసిన ఎవరికైనా తన తండ్రితో కాసేపు మాట్లాడాలనిపిస్తుందని హీరో శివ కందుకూరి అన్నారు.
దర్శకుడు ప్రమోద్ హర్ష మాట్లాడుతూ శివ గారికే ఈ కథను చెప్పాను. కథకు తగ్గట్టుగా ఫేస్లోనే ఓ సెన్సిబిలిటీ, ఓ జాలీ కనిపించాలి. అందుకే శివ గారికి చాయ్ వాలా కథను చెప్పాను. నేను రాసుకున్న పాత్రలు, కథ నుంచే చాయ్ వాలా టైటిల్ను తీసుకున్నాను. ప్రతీ మనిషి జీవితంలో జరిగే సంఘటనలే మా చిత్రంలో ఉంటుంది. ప్రతీ ఒక్కరికీ కనెక్ట్ అయ్యేలా మా సినిమా ఉంటుంది అని అన్నారు.
