సంతోష్శోభన్ కథానాయకుడిగా రూపొందుతోన్న లవ్ అండ్ యూత్ఫుల్ ఎంటర్టైనర్ కపుల్ ఫ్రెండ్లీ. అశ్విన్ చంద్రశేఖర్ దర్శకుడు. ప్రముఖ నిర్మాణ సంస్థ యూవీ క్రియేషన్స్ నిర్మిస్తున్న ఈ చిత్రం ప్రస్తుతం నిర్మాణ దశలో ఉంది. వచ్చే ఏడాది ఫిబ్రవరి 14న, వాలెంటైన్స్ డే కానుకగా సినిమాను విడుదల చేయనున్నారు. ఈ రోజు సంతోష్శోభన్ పుట్టినరోజు. ఈ సందర్భంగా స్పెషల్ గ్లింప్స్తోపాటు ఈ సినిమా టైటిల్ లుక్ను కూడా మేకర్స్ విడుదల చేశారు. టైటిల్ లుక్ని బట్టి ఇది చెన్నై నేపథ్యంలో సాగే ప్రేమకథ అని తెలుస్తున్నది. మానస వారణాసి కథానాయికగా నటిస్తున్న ఈ చిత్రానికి కెమెరా: దినేష్ పురుషోత్తమన్, సంగీతం: ఆదిత్య రవీంద్రన్, సహనిర్మాత: అజయ్కుమార్ పి.
