ఫుట్బాల్ అభిమానులు అత్యంత ఆత్రుతగా ఎదురుచూసిన ఫిఫా ప్రపంచకప్ 2026 సమరం ముగిసింది. న్యూయార్క్ , న్యూజెర్సీలోని మెట్లైఫ్ స్టేడియం వేదికగా జరిగిన తుదిపోరులో డిఫెండింగ్ ఛాంపియన్ అర్జెంటీనాను ఓడించి స్పెయిన్ జగజ్జేతగా నిలిచింది. ఏకంగా 16 సంవత్సరాల సుదీర్ఘ నిరీక్షణ తర్వాత మళ్లీ విశ్వవిజేతగా నిలిచి స్పెయిన్ రికార్డు సృష్టించింది. మ్యాచ్ నిర్ణీత 90 నిమిషాల సమయం ముగిసేసరికి ఇరు జట్లు ఒక్క గోల్ కూడా నమోదు చేయలేకపోయాయి. ఇరు జట్ల రక్షణ శ్రేణి బలంగా నిలవడంతో పాయింట్ల ఖాతా తెరవలేదు.ఫైనల్ పోరులో స్పెయిన్, అర్జెంటీనా జట్లు విజయం కోసం సర్వశక్తులు ఒడ్డాయి.నిర్ణీత సమయంలో విజేత ఎవరో తేలకపోవడంతో నిర్వాహకులు 30 నిమిషాలదనపు సమయాన్ని కేటాయించారు.ఎట్టకేలకు ఎక్స్ట్రా టైమ్లోని 106వ నిమిషంలో స్పెయిన్ ఆటగాడు ఫెర్రాన్ టోర్రెస్ అద్భుతమైన గోల్తో బంతిని నెట్లోకి పంపి జట్టుకు చిరస్మరణీయమైన ఆధిక్యాన్ని అందించాడు.తర్వాత అర్జెంటీనా గోల్ చేయడానికి తీవ్రంగా యత్నించినప్పటికీ స్పెయిన్ ఆత్మరక్షణతో అడ్డుకుంది. దీంతో 1-0 తేడాతో అర్జెంటీనాపై విజయం సాధించి స్పెయిన్ ఛాంపియన్గా అవతరించింది.16 ఏళ్ల తర్వాత మళ్లీ ఇప్పుడు రెండోసారి ప్రపంచకప్ ట్రోఫీని ముద్దాడి తన ఆధిపత్యాన్ని చాటుకుంది. మరోవైపు వరుసగా రెండోసారి కప్పు గెలవాలని భావించిన అర్జెంటీనా రన్నరప్తో సరిపెట్టుకో వలసి వచ్చింది.
