పూర్వాజ్ స్వీయ దర్శకత్వంలో నటిస్తున్న యాక్షన్ థ్రిల్లర్ కిల్లర్. జ్యోతి పూర్వాజ్, విశాల్ రాజ్, గౌతమ్ ఇందులో ముఖ్య పాత్రధారులు. పూర్వాజ్ ప్రజయ్ కామత్, ఎ.పద్మనాభరెడ్డి, నిర్మాతలు. ఈ చిత్రం రెగ్యులర్ షూటింగ్ జరుపుకుంటున్నది. హైదరాబాద్ రామోజీ ఫిల్మ్ సిటీ, వికారాబాద్ పరిసరాల్లో సెకండ్ షెడ్యూల్ చిత్రీకరించారు. హీరో పూర్వాజ్, హీరోయిన్ జ్యోతి పూర్వాజ్, విశాల్రాజ్, గౌతమ్ ఈ షెడ్యూల్లో పాల్గొన్నారు. హీరో, దర్శకుడు పూర్వాజ్ మాట్లాడుతూ ప్రేమ, ప్రతీకారం, రొమాన్స్ నేపథ్యంలో సాగే థ్రిల్లర్ సినిమా ఇది. ఆర్టిఫిషియల్ ఇంటెలిజెన్స్ ఈ కథలో కీలక పాత్ర పోషిస్తున్నది. త్వరలోనే షూటింగ్ పూర్తిచేసి మీ ముందుకొస్తాం. ఓ స్పెషల్ మూవీగా ఆడియన్స్ మనసుల్లో నిలిచిపోయే సినిమా ఇది అని చెప్పారు. ఈ చిత్రానికి కెమెరా: జగదీశ్ బొమ్మిశెట్టి, సంగీతం: అషీర్ ల్యూక్, సుమన్ జీవరతన్, నిర్మాణం: థింక్ సినిమాస్, మెర్జ్ ఎక్స్ఆర్, ఏయు అండ్ ఐ.
