వంశీ నందిపాటి ఎంటర్‌టైన్మెంట్స్‌, ఈటీవీ విన్‌ కలిసి నిర్మిస్తున్న చిత్రం ఇంకా ఏం అనుకోలేదు. అక్షయ్‌ లగుసాని, కేయూరి జంటగా నటిస్తున్న ఈ చిత్రానికి ప్రణయ్‌ వల్లూరిపల్లి, గిరి పెమ్మసాని కలిసి దర్శకత్వం వహించారు. ఈ సందర్భంగా మేఘాలు సంద్రంలో అంటూ సాగే ఈ సినిమాలోని గీతాన్ని హైదరాబాద్‌లో నిర్వహించిన ఈవెంట్‌లో విడుదల చేశారు. అందరికీ రిలేట్‌ అయ్యేలా ఈ సినిమా ఉంటుంది. గిరి, ప్రణయ్‌ చెప్పిన కథ నాకెంతో నచ్చింది.వీరిద్దరూ ఇండస్ట్రీ గుర్తుపెట్టుకునే దర్శకులవుతారు అని చిత్ర నిర్మాత వంశీ నందిపాటి అన్నారు.
సాంకేతికంగా అన్ని విధాలా సినిమా బావుంటుందని దర్శకులు ప్రణయ్‌ వల్లూరిపల్లి, గిరి పెమ్మసాని చెప్పారు. సినిమాలో భాగం కావడం పట్ల కథానాయకుడు అక్షయ్‌ లగుసాని, కథానాయిక కేయూరి ఆనందం వెలిబుచ్చారు. ఇంకా ఈటీవీ ప్రతినిథులు భరణ్‌, సాయికృష్ణతోపాటు చిత్రబృందమంతా మాట్లాడారు. డిసెంబర్‌ 11న సినిమా విడుదల కానున్నది.
