సుడిగాలి సుధీర్ హీరోగా రూపొందుతోన్న చిత్రం కాలింగ్ సహస్ర. డాలీషా కథానాయిక. అరున్ విక్కిరాలా దర్శకుడు. విజేష్ తయాల్, చిరంజీవి పమిడి, వెంకటేశ్వర్లు కాటూరి నిర్మాతలు. ఈ సదర్భంగా ఈ చిత్రంలోని కనుల నీరు రాలదే అంటూ సాగే గీతాన్ని మేకర్స్ విడుదల చేశారు. మోహిత్ స్వరపరిచిన ఈ గీతాన్ని సుద్దాల అశోక్తేజ రచించారు. ఈ సినిమాతో సుధీర్ తప్పకుండా పెద్ద హీరో స్థాయికి ఎదుగుతాడని, సాంకేతికంగా సినిమా అద్భుతంగా ఉంటుందని, రాజీపడకుండా సహకరించిన నిర్మాతలకు కృతజ్ఞతలని దర్శకుడు చెప్పారు. సినిమా అద్భుతంగా వచ్చిందని, భారీగా విడుదల చేయడానికి ప్లాన్ చేస్తున్నామని బెక్కెం వేణుగోపాల్ తెలిపారు. ఈ చిత్రం త్వరలో విడుదల కానుంది.
