మంచు విష్ణు టైటిల్ రోల్ని పోషిస్తున్న చిత్రం కన్నప్ప. శ్రీకాళహస్తి స్థలపురాణం ఆధారంగా తెరకెక్కిస్తు న్నారు. ముఖేష్ కుమార్ సింగ్ దర్శకుడు. మహాశివరాత్రిని పురస్కరించుకొని కన్నప్ప ఫస్ట్లుక్ను విడుదల చేశారు. ఇందులో మంచు ధనుస్సును చేతబూని విల్లంబులు సంధిస్తూ కనిపిస్తున్నారు. ఓ ధైర్యవంతుడైన యోధుడు, శివుడి అపరభక్తుడైన కన్నప్ప కథ ప్రతి ఒక్కరిలో స్ఫూర్తినింపుతుంది. భక్తిరసప్రధానంగా అన్ని వర్గాల ప్రేక్షకులు మెచ్చేలా ఈ చిత్రాన్ని తెరకెక్కిస్తున్నాం. పాన్ ఇండియా స్థాయిలో విడుదల చేస్తాం అని చిత్రబృందం పేర్కొంది. ఈ సినిమాలో మోహన్లాల్, మోహన్బాబు, ప్రభాస్, శరత్కుమార్ వంటి అగ్ర తారలు భాగమవుతున్న విషయం తెలిసిందే. ప్రస్తుతం ఈ సినిమా రెండో షెడ్యూల్ చిత్రీకరణ న్యూజిలాండ్లో జరుగుతున్నది.
