నాగ్‌ అశ్విన్‌ దర్శకత్వంలో అత్యంత ప్రతిష్టాత్మకంగా తెరకెక్కుతున్న పాన్‌ వరల్డ్ మూవీ కల్కి2898 ఏడీ. ప్రభాస్‌ హీరోగా రూపొందుతోన్న ఈ చిత్రంలో అమితాబ్‌, కమల్‌హాసన్‌, దీపిక పదుకొనే, దిషా పటానీ లాంటి టాప్‌ స్టార్స్‌ భాగమైన విషయం తెలిసిందే. ప్రతిష్టాత్మక వైజయంతీ మూవీస్‌ నిర్మిస్తున్న ఈ మూవీ జూన్‌ 27న ప్రపంచవ్యాప్తంగా విడుదల కానుంది. ప్రమోషన్‌లో భాగంగా సినిమా కంటే ముందు యానిమేషన్‌ సిరీస్‌ని మేకర్స్‌ విడుదల చేయనున్నారు. ఈ సందర్భంగా బుజ్జి అండ్‌ భైరవ యానిమేషన్‌ సిరీస్‌ ట్రైలర్‌ను హైదరా బాద్‌లో లాంచ్‌ చేశారు. దర్శకుడు నాగ్‌ అశ్విన్‌ మాట్లాడుతూ కల్కి యానిమేషన్‌ వరల్డ్ కోసం ఒక చిన్న ఎంట్రీగా మేం తయారు చేసిన గ్లింప్స్‌ ప్రపంచమంతా చూడబోతున్నది. గత నాలుగేళ్లుగా ఈ సినిమాకోసం పనిచేస్తున్నాం. సినిమాకంటే ముందే యానిమేషన్‌ సిరీస్‌ను విడుదల చేయడం మా సంస్థ చేస్తున్న పెను సాహసం అన్నారు.
ఈ యానిమేషన్‌ సిరీస్‌ అనేది నిజంగా కొత్త ప్రయత్నం. చోటా భీమ్‌ తో పాటు ఎన్నో యానిమేషన్‌ సిరీస్‌లను రూపొందించిన గ్రీన్‌ గోల్డ్‌ సంస్థతో కలిసి ఈ సిరీస్‌ను రూపొందించాం. ఈ కల్కి 2898ఏడీ నిర్మాణం వల్ల వైజయంతీ ఆటోమొబైల్స్‌, వైజయంతీ యానిమేషన్‌, వైజయంతీ మూవీస్‌, ఇలా మూడు డిఫరెంట్‌ కంపెనీలను నడిపించామని సగౌరవంగా తెలియజేస్తున్నా అని తెలిపారు.
