శ్రీవిష్ణు కథానాయకుడిగా రూపొందుతోన్న చిత్రం శ్వాగ్. రీతూవర్మ కథానాయిక. మీరాజాస్మిన్‌ ఓ ప్రత్యేకపాత్ర పోషిస్తున్నది. హసిత్‌ గోలి దర్శకత్వంలో పీపుల్‌ మీడియా ఫ్యాక్టరీ పతాకంపై టీజీ విశ్వప్రసాద్‌ ఈ చిత్రాన్ని నిర్మిస్తున్నారు. ప్రస్తుతం ఈ సినిమా నిర్మాణ దశలో ఉంది. ఇప్పటికే మేకర్స్‌ ప్రమోషన్స్‌ మొదలుపెట్టారు.
అందులో భాగంగానే ఇందులో మహారాణి ఉత్పల దేవిగా నటిస్తున్న మీరాజాస్మిన్‌ని పరిచయం చేస్తూ ఆమె ఫస్ట్‌ లుక్‌ని రివీల్‌ చేశారు. ఈ లుక్‌లో మీరా మహారాణిగా మెరిసిపోతున్నది. కొంత విరామం తర్వాత మీరా జాస్మిన్‌ చేస్తున్న తెలుగు సినిమా ఇదే కావడం గమనార్హం. వింజామర వంశానికి చెందిన రాణీ రుక్మిణీ దేవిగా ఇందులో రీతూవర్మ కనిపించనుంది. పూర్తి వినోదాత్మకంగా తెరకెక్కుతున్న ఈ చిత్రానికి కెమెరా: వేదరామన్‌ శంకర్‌, సంగీతం: వివేక్‌ సాగర్‌.
