హైదరాబాద్ రీజియన్ అమెరికా కాన్సుల్ జనరల్ జోయెల్ రీఫ్మన్ అరకులో పర్యటించారు. తన జీవన భాగస్వామి (గే) పెర్రి మిల్టన్తో కలసి విశాఖ వచ్చిన ఆయన అద్దాల బోగీలున్న రైల్లో అరకు వెళ్లారు. విశాఖలోని తీరప్రాంతం అద్భుతంగా ఉందని అన్నారు. ఈ రైల్లో ప్రయాణిస్తూ కొండలు, లోయల అందాలను ఆస్వాదించినట్లు తెలిపారు. అరకు గిరిజన మ్యూజియం చూసిన తరువాత గిరిజన చరిత్ర, వారి జీవన విధానంపై మరింత అవగాహన కలిగిందన్నారు. గిరిజనుల గురించి తెలుసుకోవడానికి అరకు లోయ అద్భుత ప్రాంతమని కొనియాడారు.
