నాని కథానాయకుడిగా నటిస్తున్న తాజా చిత్రం హాయ్ నాన్న. మృణాల్ ఠాకూర్ కథానాయిక. శౌర్యువ్ దర్శకుడు. వైర ఎంటర్టైన్మెంట్స్ పతాకంపై మోహన్ చెరుకూరి, డాక్టర్ విజయేందర్ రెడ్డి నిర్మిస్తున్నారు. ఈ నేపథ్యంలో మ్యూజికల్ ప్రమోషన్స్ను వేగవంతం చేశారు. ఈ సినిమాలో గాజు బొమ్మ అనే రెండో గీతాన్ని అగ్ర హీరో మహేష్బాబు విడుదల చేశారు. నన్ను కదిలించినట్లే ప్రతీ తండ్రిని హత్తుకునే పాట ఇది. హాయ్ నాన్న టీమ్కు నా శుభాకాంక్షలు అని మహేష్బాబు పేర్కొన్నారు. హేషమ్ అబ్దుల్ వహాబ్ స్వరపరచిన ఈ గీతానికి అనంత్శ్రీరామ్ సాహిత్యాన్ని అందించారు. పాన్ ఇండియా స్థాయిలో ఈ సినిమాను విడుదల చేయబోతున్నారు. ఈ చిత్రానికి కెమెరా: సానుజాన్ వర్గీస్, సంగీతం: హేషమ్ అబ్దుల్ వహాబ్, ప్రొడక్షన్ డిజైనర్: అవినాష్ కొల్లా, దర్శకత్వం: శౌర్యువ్. డిసెంబర్ 21న ప్రేక్షకుల ముందుకురానుంది.
