ఎన్టీఆర్ కథానాయకుడిగా కొరటాల శివ దర్శకత్వంలో రూపొందిస్తున్నచిత్రం దేవర. జాన్వీకపూర్ కథానాయిక. ఎన్టీఆర్ ఆర్ట్స్, యువ సుధ ఆర్ట్స్ పతాకాలపై సుధాకర్, హరికృష్ణ కె. ఈ చిత్రాన్ని నిర్మిస్తున్నారు. రెండు భాగాలుగా ఈ చిత్రాన్ని తెరకెక్కిస్తున్నారు. ఈ చిత్రంలో సైఫ్అలీఖాన్ కీలక పాత్రలో కనిపించనున్నారు. విస్మరణ కు గురైన ఓ తీర ప్రాంతం నేపథ్యంలో హై ఓల్టేజ్ యాక్షన్ ఎంటర్టైనర్గా ఈ చిత్రాన్ని తెరకెక్కిస్తున్నారు.
ఈ సినిమాకు సంబంధించిన తాజా అప్డేట్ వెలువడింది. మ్యూజికల్ ప్రమోషన్స్లో భాగంగా రెండో గీతాన్ని ఈ నెల 5న విడుదల చేయబోతున్నారు. ఈ పాట తాలూకు పోస్టర్ను రిలీజ్ చేశారు. అనిరుధ్ సంగీతాన్నంది స్తున్న ఈ పాట రొమాంటిక్ మెలొడీగా ఆకట్టుకుంటుందని, ఎన్టీఆర్ నృత్యాలు, జాన్వీకపూర్ అందచందాలు ప్రధానాకర్షణగా నిలుస్తాయని మేకర్స్ తెలిపారు. దేవర పార్ట్-1 సెప్టెంబర్ 27న ప్రేక్షకుల ముందుకురానుంది.
