కొవిడ్ మహమ్మారి నుంచి ప్రజలను కాపాడడానికి వ్యాక్సిన్ను తయారు చేసిన భారతీయ శాస్త్రవేత్తల నిజమైన కథ ఆధారంగా రూపొందుతున్న చిత్రం ది వ్యాక్సిన్ వార్. వివేక్ రంజన్ అగ్నిహోత్రి ఈ చిత్రాన్ని తెరకెక్కిస్తున్నారు. ది కశ్మీర్ ఫైల్ చిత్రం తరవాత వివేక్ నుంచి వస్తోన్న ఈ సినిమాపై ప్రేక్షకుల్లో భారీ అంచనాలు ఉన్నాయి. అనుపమ్ ఖేర్, నానా పటేకర్, పల్లవి జోషి ఈ చిత్రంలో కీలక పాత్రలు పోషిస్తున్నారు.
ఇప్పటికే రిలీజైన ఫస్ట్లుక్ పోస్టర్కు ప్రేక్షకుల నుంచి విశేష స్పందన వచ్చింది. తాజాగా మేకర్స్ ఈ సినిమా ట్రైలర్ అప్డేట్ను ప్రకటించారు. ఏ సమయంలోనైనా ట్రైలర్ రావచ్చొంటూ ఓ స్పెషల్ పోస్టర్ను రిలీజ్ చేశారు. టైమ్ అని ఏం మెన్సన్ చేయలేదు కానీ.. ఈ రోజు అర్ధరాత్రి వరకు ఎప్పుడైనా వచ్చే చాన్స్ ఉందని తెలుస్తుంది. ఇక ఈ సినిమాలో దాదాపుగా కశ్మీర్ ఫైల్స్ టీమ్నే తీసుకున్నారు. ది కశ్మీర్ ఫైల్స్ సినిమాను నిర్మించిన పల్లవి జోషినే ఈ సినిమాను కూడా నిర్మిస్తుంది. ఇక ఈ సినిమా సెప్టెంబర్ 28న పాన్ ఇండియా లెవల్లో రిలీజ్ కాబోతుంది.
