ప్రదీప్ రంగనాథన్ కథానాయకుడిగా నటిస్తూ, దర్శకత్వం వహించిన చిత్రం లవ్ టుడే. ఇవనా కథానాయిక.తమిళంలో విడుదలైన ఈ సినిమాని, తెలుగులో నిర్మాత దిల్రాజు ప్రేక్షకుల ముందుకు తీసుకొస్తున్నారు. తమిళంలో గత వారం విడుదలైన ఈ సినిమా విజయవంతంగా ప్రదర్శితమవుతోంది. నిర్మాణ వ్యయం కంటే పది రెట్లు లాభాల్ని సాధిస్తుందని కోలీవుడ్ వర్గాలు చెబుతున్నాయని చిత్రవర్గాలు తెలిపాయి. నవంబర్ మూడో వారం తెలుగు రాష్ట్రాల్లో ఈ చిత్రం భారీ విడుదల చేయటానికి సన్నాహాలు చేస్తున్నారు. సత్య రాజ్, రాధికా శరత్కుమార్ పోషించిన ప్రధాన పాత్రలు సినిమాకు ప్రదాన బలంగా మారాయి. కల్పతి అఘోరాం, కల్పతి ఎస్.గణేశ్ నిర్మాతలు. యువన్ శంకర్ రాజా స్వరాలు సమకూర్చారు.
