ఎలన్ మస్క్ నేతృత్వంలోని స్పేస్ ఎక్స్ సంస్థ ప్రయోగించిన అతిపెద్ద రాకెట్ ప్రయోగం విఫలమైంది. అమెరికా దక్షిణ టెక్సాస్లోని బోకా చీకా తీరం నుంచి నిప్పులు చిమ్ముకుంటూ నింగిలోకి ఎగిసిన కొద్దిసేపటికే రాకెట్ స్టార్షిప్ పేలిపోయింది. ఈ వ్యోమనౌక రెండు సెక్షన్లు, బూస్టర్, స్పేస్ క్రాఫ్ట్ నిర్ణీత సమయంలోగా విడిపోవాలి. రాకెట్ ప్రయోగం విఫలమవడంతో బూస్టర్, స్పేస్ క్రాఫ్ట్ పేలిపోయినట్లు స్పేస్ ఎక్స్ సంస్థ తెలిపింది.
ఈ ప్రయోగ ఫలితాలను తమ సైంటిస్టులు సమీక్షిస్తారని ఎలన్ మస్క్ తెలిపారు. ఇవాళ జరిగిన వైఫల్యం నుంచి అనేక పాఠాలు నేర్చుకున్నామని, మరికొద్ది నెలల్లో మరో ప్రయోగం చేపడుతామని మస్క్ పేర్కొన్నారు. ఈ ప్రయోగంలో పాలుపంచుకున్న సిబ్బందిని ఆయన అభినందించారు.
