సేవ్‌ ది టైగర్స్‌ వెబ్‌సిరీస్‌ సీజన్‌2 ఈ నెల 15 నుండి ఓటీటీలో ప్రసారం కానుంది. మహి.వి.రాఘవ్‌, ప్రదీప్‌ అద్వైతం సృష్టించిన ఈ సిరీస్‌కు అరుణ్‌ కొత్తపల్లి దర్శకుడు. ప్రియదర్శి, అభినవ్‌ గోమఠం, చైతన్యకృష్ణ, పావని, జోర్దార్‌ సుజాత, శ్రీకాంత్‌ అయ్యంగార్‌, గంగవ్వ, వేణు యల్దండి, సీతర్‌ కపూర్‌, పావని గంగిరెడ్డి, దేవయాని, దర్శన బానిక్‌, హర్షవర్దన్‌ ప్రధాన పాత్రధారులు. ఈ సిరీస్‌ ప్రీరిలీజ్‌ ఈవెంట్‌ హైదరాబాద్‌లో ఘనంగా జరిగింది. ఇందులో నటీనటులంతా కథను ఓన్‌ చేసుకొని నటించారని, జీవితాల్లో జరిగే సరదా సందర్భాల నేపథ్యంలో ఓ కామెడీ షో చేయాలనే ఆలోచన నుంచి పుట్టుకొచ్చిందే సేవ్‌ ద టైగర్స్‌ అని, దీనితో ఆపకుండా మరిన్ని సీజన్స్‌ చేయాలనుందని మహి.వి రాఘవ అన్నారు. ఎలాంటి అంచనాలు లేకుండా చూడటంవల్ల తొలి సీజన్‌ అందరికీ నచ్చిందని, అంచనాలతో చూసినా ఈ సెకండ్‌ సీజన్‌ నచ్చుతుందని దర్శకుడు అరుణ్‌ పేర్కొన్నారు.
