అమెరికాలో కాల్పుల కలకలం చోటుచేసుకుంది. ఈ ఘటనలో ఓ హాలీవుడ్ నటుడు మరణించాడు. జనరల్ హాస్పిటల్ అనే చిత్రంతో మంచి గుర్తింపు తెచ్చుకున్న జాన్నీ వాక్టర్ అనే నటుడిని దుండగులు కాల్చి చంపారు. 37 ఏళ్ల వయసున్న ఆయన కారులో ప్రయాణిస్తుండగా ఈ దారుణం జరిగింది. అమెరికా కాలమానం ప్రకారం శనివారం తెల్లవారు జామున 3 గంటలకు ఈ జాన్నీ వాక్టర్ తన కారులో ప్రయాణిస్తున్నారు. అమెరికా లోని లాస్ ఏంజిల్స్ డౌన్టౌన్లో ఓ ముగ్గురు ఆగంతకులు అతని కారును వెంబడించినట్లు వాక్టర్ తల్లి స్కార్లెట్ పోలీసులకు వివరించారు.
ముగ్గురు దుండగులు వాక్టర్ కారును వెంబడించి ఆపారు. కారులోని కాటలిక్ట్ కన్వర్టర్ను దొంగిలించడానికి ప్రయత్నించారు. ఈ క్రమంలో వాక్టర్ వారించాడు. దాంతో దుండగులు కాల్పులకు పాల్పడ్డారు. ఒక రౌండ్ కాల్పులు జరిపి దుండగులు అక్కడి నుంచి పారిపోయారు. గాయపడ్డ వాక్టర్ ఓ ఆస్పత్రిలో చికిత్స పొందుతూ మృతిచెందినట్లు తల్లి స్కార్లెట్ పేర్కొన్నారు. ఫిర్యాదు తీసుకున్న పోలీసులు నిందితులను తీవ్రంగా వెతుకు తున్నారు. ఇప్పటికీ వారి ఆచూకీ లభించలేదు.
