యువ హీరో సిద్ధు జొన్నలగడ్డ ప్రస్తుతం నటిస్తున్న చిత్రం ‘టిల్లు 2’. బాక్ల్ బస్టర్ మూవీ డీజే టిల్లుకు ఈ సినిమా సీక్వెల్ గా తెరకెక్కుతున్న విషయం తెలిసిందే. శ్రీకర స్టూడియోస్ సమర్పణలో సితార ఎంటర్టైన్మెంట్స్ పతాకంపై సూర్యదేవర నాగవంశీ ఈ సినిమాను నిర్మిస్తున్నారు. దీపావళి పండుగ సందర్భంగా ఈ మూవీ టైటిల్ టీజర్ ను మేకర్స్ విడుదల చేశారు. మా స్టార్ బాయ్ సిద్దునూ కలవండి.. రెట్టింపు వినోదం, డబుల్ రొమాన్స్, డబుల్ మ్యాడ్ నెస్ తో టిల్లు ఈజ్ బ్యాక్ అంటూ పోస్టర్కు క్యాప్షన్ ఇచ్చారు మేకర్స్. ఈ మూవీలో సిద్దుకు జోడీగా అనుపమ పరమేశ్వరన్ నటిస్తుండగా.. మల్లిక్ రామ్ దర్శకత్వం వహిస్తున్నాడు. ఇటీవల షూటింగ్ ను ప్రారంభించిన మేకర్స్, ఈ సినిమాను 2023 మార్చిలో విడుదల చేయనున్నట్లు స్పష్టం చేశారు. కామెడీ థ్రిల్లర్ జోనర్లో రాబోతున్న సీక్వెల్లో అనుపమ, సిద్దు రొమాంటిక్ సన్నివేశాలు మూవీ లవర్స్ను ఫిదా చేసేలా ఉండబోతున్నాయని ఇన్ సైడ్ టాక్.
