ప్రముఖ హాస్య నటుడు అలీ సోదరుడి కుమారుడు సదన్ హీరోగా పరిచయమవుతున్న చిత్రం ప్రణయ గోదారి. ప్రియాంక ప్రసాద్ కథానాయిక. పీఎల్ విఘ్నేష్ దర్శకత్వం. ఈ చిత్రాన్ని పీఎల్వి క్రియేషన్స్ పతాకంపై పారమళ్ల లింగయ్య నిర్మిస్తున్నారు. సాయి కుమార్, పృథ్వీ, జబర్దస్త్ రాజమౌళి తదితరులు నటిస్తున్నారు. ఈ చిత్ర టైటిల్ ఫస్ట్లుక్ను అంబర్పేట శంకర్ విడుదల చేశారు. ఈ సందర్భంగా దర్శకుడు పీఎల్ విఘ్నేష్ మాట్లాడుతూ సున్నితమైన భావోద్వేగాలతో సాగే హృద్యమైన ప్రేమకథా చిత్రమిది. ప్రేమ ప్రయాణంలోని మధుర భావాలకు అద్దం పడుతుంది. యువతతో పాటు ఫ్యామిలీ ఆడియెన్స్ను కూడా ఆకట్టుకుంటుంది. త్వరలో విడుదల చేయబోతున్నాం అన్నారు. ఈ చిత్రానికి కెమెరా: ఈదర ప్రసాద్, సంగీతం: మార్కండేయ, దర్శకత్వం: పీఎల్ విఘ్నేష్.
