బ్రిటన్ ప్రధాని లిజ్ ట్రస్ రాజీనామాపై రష్యా స్పందించింది. ప్రధానమంత్రికి ఇంతటి అవమానాన్ని బ్రిటన్ ఎన్నడూ చూడలేదని వ్యాఖ్యానించింది. గత నెలలో బ్రిటన్ మాజీ ప్రధాని బోరిస్ జాన్సన్ స్థానాన్ని లిజ్ ట్రస్ భర్తీ చేయడంపై రష్యా అధ్యక్షుడు పుతిన్ స్పందించారు. బ్రిటన్ నాయకులను ఎన్నుకునే విధానం ప్రజాస్వామ్యానికి దూరం అని అన్నారు. దేశం మొత్తం కాకుండా కన్జర్వేటివ్ పార్టీ సభ్యులు బ్యాలెట్ ద్వారా తమ నాయకత్వాన్ని ఎన్నుకుంటారని తెలిపారు. ప్రభుత్వం మార్పులో గ్రేట్ బ్రిటన్ ప్రజలు పాల్గొనరు. అక్కడి పాలక వర్గాలకు సంబంధిత ఏర్పాట్లు ఉంటాయి అని పుతిన్ వ్యాఖ్యానించారు. రాణి మరణం తర్వాత లిజ్ ట్రస్ అజ్ఞానం గుర్తుండిపోతుంది అని విదేశాంగ మంత్రిత్వ శాఖ ప్రతినిధి మరియా జఖరోవా తెలిపారు. ప్రధానమంత్రికి ఇంతటి అవమానం బ్రిటన్ ఎన్నడూ చూడలేదని పేర్కొన్నారు. సెప్టెంబర్ 6న బ్రిటన్ ప్రధానమంత్రిగా లిజ్ ట్రస్ ప్రమాణ స్వీకారం చేశారు. 45 రోజుల పాటు మాత్రమే ప్రధాని పదవిలో ఆమె కొనసాగారు.
